Tracklist

1	Skátarnir
2	Ástarleikir
3	Í Bítið
4	Sjónvarpsgláp
5	Elskan
6	Ást Og Hatur
7	Þeir
8	Ég
9	Kreppan
10	Basl
11	Kvöl Stríð Og Grátur
12	Moldarstígur
13	Guð
14	Hvati
15	Flokkurinn
16	Fía

Notes

16. desember 1995 | Fólk í fréttum |

Einfaldar formúlur og spaugilegt bull

Geisladiskur EILÍFT BETL

Eilíft betl, geisladiskur hljómsveitarinnar Betls sem skipuð er Rögnvaldi Rögnvaldssyni, Halldóri Bragasyni og Hreini Laufdal. Lög og textar eftir þá félaga. Ekki kemur fram hver gefur út, né hver dreifir. 53,33 mín., 1.999 kr.
Einfaldar formúlur og spaugilegt bull TÓNLIST Geisladiskur EILÍFT BETL Eilíft betl, geisladiskur hljómsveitarinnar Betls sem skipuð er Rögnvaldi Rögnvaldssyni, Halldóri Bragasyni og Hreini Laufdal. Lög og textar eftir þá félaga.
Ekki kemur fram hver gefur út, né hver dreifir. 53,33 mín.

HLJÓMSVEITIN Betl er víst ekki starfandi sem hljómsveit, enda eiga liðsmenn hennar heima í ólíkum landshlutum. Það hefur þó ekki komið í veg fyrir að þeir hafi sett saman breiðskífu og það breiðskífu í lengra lagi. Tónlistin á Eilífu betli er miklu leyti unnin á tölvur, þó stöku sinnum megi heyra lifandi hljóðfæraleik, og forritun er öll í einfaldara lagi, til dæmis í Sjónvarpsglápi, svo einföld reyndar að fljótlega verður þreytandi á að hlýða. Ekki er þó vert að meta of strangt útgáfu sem þessa, því hvarvetna skín í gegn að Betlarar taka sjálfa sig ekki yfirmáta alvarlega; lög eru einfaldar formúlur og textar spaugilegt bull á köflum, til að mynda í Ástarleikjum, Í bítið og Sjónvarpsgláp. Kímnin er reyndar svo afkáraleg á köflum að hún missir marks, en víða komast þeir félagar þó hnyttilega að orði og fyrir kemur að þeir ná jafnvægi á milli texta og útsetningar, sem dæmi má nefna Elskuna og Þá. Söngur er almennt afleitur, örugglega vísvitandi, en gestasöngvarar lyfta plötunni nokkuð, þannig syngur Kristján Pétur prýðilega klénan texta við þunnt lag í Mér. Frágangur á textablaði er klúðurslegur og grúir af villum, en það er kannski liður í gamninu.

Árni Matthíasson